intgantantas dal Grischun Vuschs intgantantas
al Grischun Vuschs intgantantas dal Grischun
chs intgantantas dal Grischun
Ensemble vocal incantanti
Vuschs intgantantas dal Grischun
L’ensemble vocal incantanti
Commuventant, giuven ed ambizius – trais attributs che sa fan perfetgamain cun l l’ensemble vocal incantanti. Cun ses munds da vuschs mirveglius fascinescha il chor da giuvenils ses auditori en Svizra ed en l’ester.
Sco ambassadur renumà da la cultura grischuna chanta l’ensemble vocal incantanti en tut las linguas chantunalas cun in accent sin il stgazi da chanzuns rumantschas.
Sut la direcziun da Christian Klucker collia il chor – ch’è vegnì premià pliras giadas sin plaun internaziunal - valurs tradiziunalas cun interpretaziuns da mussavia ed avra uschia adina puspè ils cunfins dal gener. Il chor è avert per chantaduras e chantadurs tranter 15 e 25 onns e porscha ina scolaziun professiunala ed experientschas unicas lunsch lur ils cunfins da la Svizra or.
Sopran
Sia Bandli
Nora Decasper
Madleina Dönz
Giulia Misani
Sofia Schittenhelm
Lena Spadin
Alt
Ikumi Asahara
Moana Bissig
Norina Buchli
Anouk van Biesen
Renée Frigo
Senta Pujol
Carolina Rhyner
Sarah Roffler
Malina Tscholl
Tenor
Christian Fringer
Simon Klucker
Bass
Gianin Cathomas
Jeroen Fontana
Clemens Hochmuth
Gian-Martino von Hippel
Silvan Veraguth
Jan Widmer
Lukas Züger
Nus ans legrain da novas vuschs talentadas!
Has ti tranter 15 e 25 onns ed ina passiun per il chant choral? Alura ans visitescha en ina da las proximas provas.
T’annunzia per mail praesidentenamt@incantanti.ch.
L’ensemble incantanti è in chor da giuventetgna dal Grischun, avert per giuvenils tranter 15 e 25 onns. Tar nus stas ti en il center. Nus ta purschain ina furmaziun da chant professiunala ed individualisada per tai. Ti pos profitar da coachings singuls e collavurar cun corifeas da la musica chorala. Vitiers emprendas ti tar nus bler davart litteratura chorala e ti vegns confruntà cun la cultura grischuna. Nus viagiain savens a concurrenzas e concerts en Svizra ed en l’ester. Uschia ta promovain nus sin tia via da daventar independent e ti emprendas d’enconuscher culturas estras, pos rimnar impressiuns e regurdanzas e far amicizias per la vita.
Per che ti possias cumbinar tias activitads tar incantanti cun la scola, il studi u la lavur, han nossas provas lieu mintgamai duas giadas il mais ina fin d’emna, venderdi saira e sonda. Vitiers tutga ina tschaina finala cun star da cumpagnia. Per approfundir mintgamai il program da concert e per promover la cuminanza en la gruppa organisain nus mintg’onn almain ina giada in champ da plirs dis.
Christian Klucker
Dirigent e manader artistic
Christian Klucker s’engascha gia dapi onns per che la cultura dal Grischun, ses chantun nativ il vegnia tgirada, sviluppada vinavant e derasada. El promova il barat activa da la cultura grischuna dadens e dador ils cunfins dal chantun. Sper sia expertisa musicala èn sias grondas passiuns las muntognas, la natira e la chatscha.
Christian â absolvi il studi da clarinettist e ha il medem mument prendi uras da chant. Durant sia scolaziun da musica da scola ha el giudì instrucziun da diriger tar Howart Griffith. En divers curs da maister ed en instrucziun privata è el sa sculà vinavant en ils secturs direcziun d’orchester e da chor tar Kirk Trevor (New York, USA), Florian Heyerick (Gent, BEL), Cornelia Lämmli (Tennessee, USA), Karl Scheuber (Turitg), Catrine Fender (Colmar, FRA) e Beat Schäfer (Turitg). Christian è a partir dal 1994 scolast da musica a la Scola chantunala dal Grischun (CH/GR), nua ch’el ha era manà il chor da la scola durant 22 onns. L’onn 2002 ha el fundà l’ensemble vocal incantanti, ch’el dirigia dapi lura. Sut sia direcziun ha incantanti gudagnà divers premis. Christian dat entant era vinavant sia savida en Svizra ed en l’exteriur sco coach, manader da curs e supervisur da divers chors, ed el sa legra, sche ti al contacteschas.
Noss team
Muments decisivs
2024 concurrenza internaziunala «Let the People Sing»
-
Nus astgain prender part vida il final sco in da quatter chors
2024 concurrenza svizra dals chors
-
victoria en la categoria «Chor da giuvenils maschadà»
2024 plazzament sin la glista mundiala dals chors
-
plaz 20 sin la glista mundiala dals chors d’uffants e da giuvenils
-
plaz 59 sin la glista mundiala generala dad Interkultur
2022 concurrenza internaziunala «LisbonSings» a Lissabon, Portugal
-
diplom dad aur «Musica sacrala a chapella»
-
diplom dad aur «Chor da giuvenils maschadà»
-
diplom dad aur «Folclora»
-
premi spezial «Varietad extraordinaria durant preschentar il repertori»
2022 concurrenza internaziunala «Vox Lucensis» a Lucca, Italia
-
gudagnà il Premi grond, il Premi general dal festival
-
diplom dad aur e victoria en la categoria «Musica sacrala a chapella»
-
diplom dad aur e victoria en la categoria «Chor da giuvenils maschadà»
2017 European Choir Games Riga, Lettonia
-
champiun europeic en la categoria «Chor da giuvenils»